8 śniežnia ŭ Kijevie prajšoŭ arhanizavany ŭkrainskaj apazicyjaj Marš miljonaŭ. U centry ŭkrainskaj stalicy sabralisia sotni tysiač čałaviek. Jany patrabavali adstaŭki aliharchičnaha režymu i jeŭraintehracyi.
Žurnalist Andrej Dubčak źniaŭ Jeŭramajdan z vyšyni niedabudavanaj jełki — mantaž jakoj i staŭ padstavaj dla razhonu pieršaha namiotavaha miastečka.
Sapraŭdy, kolkaść ludziej, što vyjšli na vulicy Kijeva, nie źličyć.
Pry hetym Pieršy rasijski kanał zajaviŭ pra toje, što ŭ centry Kijeva sabrałasia «niekalki socień ludziej».
«Lidary apazicyi zaklikali svaich prychilnikaŭ, u tym liku z zachodnich rehijonaŭ krainy, sabracca na Majdanie Niezaležnaści. Praŭda, zamiest abiacanaha miljona demanstrantaŭ ciapier na Majdanie tolki niekalki sotniaŭ čałaviek. Pratestavy impet, miarkujučy z ŭsiaho, zatuchaje», — zajaviła viadoŭca telekanała.
U adkaz ukrainskija internaŭty vyrabili rolik, u jakim nakłali tekstoŭku rasijskaha TV na kadry z Majdanu: