Hranat nie tolki smačny, ale i maje vydatnyja spažyŭnyja i lekavyja jakaści, paviedamlaje radyjo «Svaboda».
Voś 15 pryčynaŭ čamu varta jeści hranat ci pić hranatavy sok, kali vy jašče hetaha nia robicie:
1. Hranat zapavolvaje stareńnie
U hranatach utrymlivajecca vialikaja kolkaść antyaksydantaŭ. Hranatavy sok mieścicca vielmi vysoka ŭ śpisie praduktaŭ, jakija dapamahajuć absarbavać svabodnyja radykały.
2. Hranat abaraniaje nyrki
Novaje daśledavańnie pakazvaje, što ekstrakt hranatu dapamahaje abaranić nyrki ad škodnych taksinaŭ.
3. Hranat abaraniaje i adnaŭlaje piečań
Daśledavańni pakazvajuć, što hranatavy sok nia tolki abaraniaje piečań, ale i dapamahaje adnavić jaje paśla paškodžańnia.
4. Hranat uzmacniaje imunnuju systemu
Hranaty i hranatavy sok majuć šmat vitamina S, jaki nieabchodny arhanizmu, asabliva ŭ chałodny čas hodu.
5. Hranat abaraniaje ad alerhii
Hranaty bahatyja na polifenoły – rečyvy, jakija źmianšajuć ryzyku bijalahičnych pracesaŭ, źviazanych z alerhijami.
6. Hranat dapamahaje praduchilić chvaroby serca
Novyja daśledavańni pakazvajuć, što spažyvańnie hranataŭ palapšaje zdolnaść arhanizma syntezavać chalesteroł i źniščać svabodnyja radykały ŭ sasudzistaj systemie.
7. Hranat moža praduchilić rak prastaty
Daśledavańni pakazvajuć, što hranatavy sok i hranatavy ekstrakt mohuć źniščać rakavyja kletki.
8. Hranat moža praduchilić rak hrudziej
Navukoŭcy vyvučali ŭpłyŭ hranatavaha soku i jaho kampanentaŭ na praduchileńnie raku hrudziej. Jany pryjšli da vysnovy, što jany patencyjna mohuć być efektyŭnym srodkam, kab zapabiehnuć zachvorvańnia.
9. Hranat moža praduchilić rak skury
Pavodle novaha daśledavańnia, spažyvańnie hranataŭ było źviazana ź mienšym uzroŭniem zachvorvańnia na dva asnoŭnyja typy raku skury: bazalnakletkavuju karcynomu i płoskakletkavuju karcynomu.
10. Hranat abaraniaje DNK
Vyhladaje, što fitanutryjenty i antyaksydanty, jakija ŭtrymlivajucca ŭ hranatach, uzajemadziejničajuć z hienetyčnym materyjałam cieła i abaraniajuć jaho.
11. Hranat moža narmalizavać kryviany cisk
Papiarednija vyniki niadaŭniaha daśledavańnia pakazvajuć, što hranatavy ekstrakt moža dapamahčy praduchilić vysoki kryviany cisk, źviazany sa spažyvańniem tłustaj ježy.
12. Hranat rehuluje metabaličny syndrom
Daśledavańnie pakazała, što hranat dapamahaje rehulavać uzrovień cukru ŭ kryvi, palapšaje ŭsprymalnaść da insulinu, dapamahaje zmahacca z zapaleńniami i palapšaje šmatlikija inšyja faktary, źviazanyja z metabaličnym syndromam. Hety syndrom časta źjaŭlajecca vynikam atłuścieńnia i papiaredničaje dyjabetu. Dziakujučy svaim vyšejnazvanym jakaściam hranat moža dapamahčy źmienšyć vahu.
13. Hranat abaraniaje ad infekcyjaŭ
Novaje daśledavańnie pakazała, što ekstrakt hranata pavialičvaje efektyŭnaść lekaŭ, jakija vykarystoŭvajucca suprać bakteryjaŭ, što vyklikajuć chvaroby. Šmat jakija z hetych bakteryjaŭ ustojlivyja suprać lekaŭ.
14. Hranat abaraniaje ad chvaroby Alchajmera
Hranat moža praduchilić ci zapavolić raźvićcio chvaroby. U adnym z daśledavańniaŭ myšy, jakija atrymoŭvali rečyvy z hranatu, lepiej zachoŭvali funkcyi mozhu, čym myšy z kantrolnaj hrupy.
15. Hranat abaraniaje ad osteaartrytu
Hranat utrymlivaje polifenoły i ełahavuju kisłatu, jakija dapamahajuć praduchilić hetuju chvarobu sustavaŭ.
