Pamiatnaja doška ź biustam Kalinoŭskaha i jaho karotkaj bijahrafijaj viarnułasia na budynak Centra alimpijskaha reziervu pa baraćbie imia Alaksandra Miadźviedzia.Dakładniej, u svoj čas, z 1988 pa 1998 hod, jana visieła na kinateatry «Vilnia». A potym jaje skrali. Kali ž jana adšukałasia, to kinateatr pierabudoŭvali pad Centr baraćby. Tamu doška trochi času jašče pralažała ŭ schoviščy. Ale ŭ jubilejny hod Paŭstańnia-1863 jana viarnułasia, piša sajt artsiadziba.by.
«Paśla skančeńnia rekanstrukcyi budynka na vulicy Kalinoŭskaha, 55 my ŭ lipieni hetaha hoda viarnuli pamiatnuju šyldu na histaryčnaje miesca», — raskazaŭ namieśnik kiraŭnika administracyi Pieršamajskaha rajona Alaksiej Kaštaljan.
Vulica ŭ honar biełaruskaha revalucyjaniera-demakrata ŭ stalicy źjaviłasia ŭ 1963 hodzie — roŭna praz sto hadoŭ paśla paŭstańnia. Šyldu ŭstalavali na 125-hodździe, a adnaviłasia jana, vychodzić, na 150-hodździe hieraičnych padziej.
1
0
0
0
0
0