«Hlinianaha Vialesa» atrymaŭ Siarhiej Rubleŭski 5

Litaraturnuju premiju «Hliniany Viales», zasnavanuju Tavarystvam volnych litarataraŭ, sioleta atrymaŭ Siarhiej Rubleŭski za knihu «Paśpieć nadychacca». Imia pieramožcy abvieściŭ u efiry radyjo «Racyja» Aleś Arkuš.

«Heta niečakany vybar dla bolšaści, ale łaŭreatam staŭ Siarhiej Rubleŭski. — kaža spadar Arkuš. — Heta taki dosyć viadomy, ale niedaacenieny prazaik ź Viciebsku. Dyk voś kniha „Paśpieć nadychacca“ — siomaja ŭ jahonaj biblijahrafii. My zaraz žyviem u čas stereatypaŭ i trendaŭ, tamu ŭ šort- i łonh-listy premij traplajuć raskručanyja imiony, i časam ludzi, jakija hałasujuć, nie navat čytajuć hetyja knihi. Knihu ž Rubleŭskaha možna paraŭnać ź dziońnikavymi zapisami, što nadaje joj kaštoŭnaść i ščyraść. Mianie heta zachaplaje».

Šort-list «Hlinianaha Vialesa» za 2012 hod składali:

1. Eduard Akulin «Malitva voč» (Minsk: Miedysont, sieryja «Kniharnia Piśmieńnika»);

2. Leanid Hałubovič «Z hetaha śvietu» (Minsk: Knihazbor, sieryja «Kniharnia Piśmieńnika»);

3. Siarhiej Rubleŭski «Paśpieć nadychacca» (Minsk: Miedysont);

4. Juryj Stankievič «Šał» (Minsk: Halijafy, sieryja «Druhi front mastactvaŭ»);

5. Andrej Fiedarenka «Łancuh» (Minsk: Mastackaja litaratura, sieryja «Biełaruskaja proza XXI stahodździa»).

.

0

0

0

0

0

0

JUU

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH