Pradpryjemstvam dali termin da 2015 hoda

Da 1 sakavika biełaruskija pradpryjemstvy pavinny raspracavać prahramy kompleksnaj madernizacyi na 2013–2015 hady. Heta vynikaje z pastanovy Savieta ministraŭ № 102 ad 12 lutaha, paviedamlaje pres-słužba ŭrada.

Prahramy kompleksnaj madernizacyi pavinny raspracavać: respublikanskija i kamunalnyja ŭnitarnyja pradpryjemstvy; haspadarčyja tavarystvy, akcyi ŭ statutnych fondach jakich naležać Respublicy Biełaruś i (ci) administracyjna-terytaryjalnym adzinkam; kamiercyjnyja arhanizacyi — udzielniki chołdynhaŭ, u statutnych fondach kirujučych kampanij, akcyi jakich znachodziacca va ŭłasnaści dziaržavy.

Patrabavańnie nie raspaŭsiudžvajecca na arhanizacyi, stvoranyja ŭ 2012 hodzie ci jakija stvarajucca ŭ 2013 hodzie, a taksama jakija znachodziacca ŭ stadyi restrukturyzacyi abo ŭ dačynieńni da jakich adkryta konkursnaja vytvorčaść.

Da 15 sakavika prahramy kompleksnaj madernizacyi pavinny być zaćvierdžany kiraŭnikami pradpryjemstvaŭ paśla ŭzhadnieńnia z respublikanskimi orhanami dziaržkiravańnia, abłvykankamami i Minskim harvykankamam.

Pres-słužba Saŭmina nahadvaje, što miery pa stymulavańni madernizacyi ekanomiki ŭklučany ŭ płan sumiesnych dziejańniaŭ urada i Nacbanka pa dasiahnieńni paramietraŭ prahnozu sacyjalna-ekanamičnaha raźvićcia, vykanańni biudžetu i realizacyi Asnoŭnych kirunkaŭ hrašova-kredytnaj palityki Respubliki Biełaruś na 2013 hod.

Na prajekty madernizacyi pradpryjemstvaŭ z respublikanskaha biudžetu sioleta vyłučajecca 11 trłn. rubloŭ.

BiełaPAN.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH