Ёлачныя цацкі з СССР
У абʼяве з Жодзіна пазначана, што цацкі з часоў СССР у ідэальным стане. За 15 штук прадавец хоча 4500 рублёў.
Ёлачныя цацкі за 4500 рублёў
Цацкі з Гомеля ацэньваюцца ў 600 рублёў. У апісанні тавару прадавец піша, што ёлачныя цацкі прадаюцца адным лотам. Колькасць — больш за 500 штук. Звяркоў, чалавечкаў — больш за 150 штук, фігурак — больш за 200 штук.
Цацкі прадаюцца адным лотам
У Мінску за пяць ёлачных цацак савецкіх часоў хочуць 500 рублёў. Зроблены са шкла, магчымы торг.
Яшчэ адна абвестка з Мінска, у якой пазначана, што прадаецца рэдкая ёлачная цацка «Залаты капыток». Цана за штуку — 200 рублёў. Стан, як сцвярджае прадавец, выдатны.
З апісаннем прадаўца немагчыма не пагадзіцца, бо пры запыце «Залаты капыток» пошук выдае толькі абʼявы пра цацку «Сярэбраны капыток». І толькі на расійскіх сайтах.
Дзед Мароз савецкіх часоў за 200 рублёў таксама жадаюць прадаць у сталіцы. Прадавец дае вельмі абʼёмнае апісанне. Выраблены з ваты і папʼе-машэ, твар — кераміка, акуратны роспіс уручную. Халат з матэрыі. Барада з ваты. Падстаўка з фанеры. Да мяшка Дзеда Мароза прымацаваны шкляныя цацкі.
Гэты Дзед Мароз будзе сустракаць ужо 44-ты Новы год
Стан добры. Усё роднае, арыгінальнае, без рэстаўрацыі. Маюцца невялікія пашкоджанні на падстаўцы, пара маленькіх дэфектаў на футры па каўняры.
Год нараджэння: 1980.
Рост дзядулі: 70 см.
Якія цэны на іншых сайтах
На іншай пляцоўцы цэны за ёлачныя цацкі часоў СССР не меншыя. Напрыклад, у Віцебску прадавец просіць за свой лот 5000 рублёў. Прадаецца оптам, ад 1000 штук.
Цацкі прадаюцца ад 1000 штук
Лот з Гродзенскай вобласці ў колькасці 600 штук ацэньваецца ў 1300 рублёў.
Велізарны лот цацак СССР
Насамрэч абʼяў аб продажы навагодніх цацак савецкага часу вельмі шмат. І калі хтосьці хоча проста вызваліць месца ў доме, то іншыя — нядрэнна зарабіць. Вось яшчэ некалькі абʼяў, з найболей дарагіх.
Дзве ёлачныя верхавіны ГДР за 850 рублёў
Ёлачная ватная цацка «Клоун на трапецыі». Цана — 545 рублёў
Дзед Мароз 1940-х гадоў з гіпсу. Цана — 500 рублёў
Паглядзіце, быць можа і ў вас пыляцца ў шафе вялікія грошы.
Чытайце таксама:
Ніколі не дарыце гэта на Новы год! Найгоршыя падарункі на думку беларусаў
Індэкс аліўе і шубы. Як за год падаражэлі класічныя святочныя салаты?
Падборка калядных дэсертаў: цытрусы ў шакаладзе, «снежныя» капкейкі і мандарынавая пана-кота
муж бондаревой работал на фабрике елочных игрушек?