У чавускім кафэ «Ліга» здарылася масавае атручэнне прадуктамі харчавання. Пацярпелі, паводле неафіцыйнай інфармацыі, каля 20 чалавек.
Атручэнне здарылася 3 чэрвеня. З таго моманту і па гэты час названы аб'ект грамадскага харчавання закрыты.
У Магілёўскім абласным цэнтры гігіены і эпідэміялогіі адмовіліся пракаментаваць сітуацыю з масавым атручэннем у Чавусах, спаслаўшыся на неабходнасць афіцыйнага запыту.
Між тым ва ўпраўленні Следчага камітэта па Магілёўскай вобласці адзначылі, што ніякай крымінальнай справы па факце масавага атручэння ў Чавусах пакуль не распачыналася.
0
0
0
0
0
0