Žurnalisty daviedalisia, što Kuźmianok nie prosta ažaniŭsia ź miascovaj žančynaj, ale dziela šlubu navat pryniaŭ isłam. Na radzimu jon apošni raz jeździŭ u 2022 hodzie dla ŭrehulavańnia bytavych i siamiejnych pytańniaŭ, paśla taho ž praciahnuŭ pracu ŭ azijackim futbole — ale pamianiaŭ Indanieziju na susiedniuju krainu — Małajziju.
U Małajziju Kuźmianka pieraciahnuŭ sinhapurski trenier Aid Šaryn, ź jakim jon razam pracavaŭ u indaniezijskim «Piersikaba». U žniŭni 2023-ha Šaryna paklikali hałoŭnym u małajzijski kłub «Kučynh Sici» i nieŭzabavie zaprasiŭ da siabie i biełarusa, jakoha da taho času pierastali ŭ «Piersikaba» zadavalniać i materyjalnyja varunki.
U vyniku hetaj zimoj Kuźmianok pierabraŭsia ŭ Małajziju i ciapier pracuje tam u akademii «Kučynh Sici» — spačatku ź junakami, a z krasavika 2024-ha staŭ hałoŭnym trenieram «Kučynh Sici U-23».
Pry hetym biełaruski trenier, jak śćviardžaje «Trybuna», z 2019-ha nie vyvučyŭ ni indaniezijskaj movy, ni tym bolš małajskaj (choć hetyja dźvie roźniacca pamiž saboj nie vielmi istotna). Z anhlijskaj u jaho taksama prablemy, tamu kiravać kalektyvam Kuźmianok moža tolki z dapamohaj pierakładčyka.
Čytajcie taksama:
Biełaruski futbolny trenier znajšoŭ siamiejnaje ščaście ŭ dalokaj Indaniezii
Žanočaja zbornaja Litvy admoviłasia hulać ź biełaruskami canoj dźviuch techničnych parazaŭ i štrafu
Salihorski «Šachcior» aštrafavali i adchilili ad jeŭrakubkaŭ
