Матч групавога этапу чэмпіянату Еўропы па футболе паміж Украінай і Нідэрландамі завяршыўся мінімальнай перамогай гаспадароў з лікам 3:2. Сустрэча прайшла ў Амстэрдаме на полі «Ёхан Круіф Арэны».
У складзе Нідэрландаў галы забілі Жаржыньё Вейналдум (52-я хвіліна), Ваўтэр Вегорст (58-я хвіліна) і Дэнзел Думфрыс (85-я хвіліна).
Сярод гульцоў зборнай Украіны выніковымі ўдарамі вызначыліся Андрэй Ярмоленка (75-я хвіліна) і Раман Ярэмчук (79-я хвіліна).
«Настрой — г…о. Выцягнуць такую гульню і ў канцы прапусціць. Я ведаю гэта пачуццё, калі ты адыгрываешся, але ў канцы прапускаеш яшчэ адзін гол», — так пракаментаваў вынік матчу былы гулец зборнай Украіны Арцём Мілеўскі.
У наступным матчы ўкраінцам трэба будзе гуляць супраць Паўночнай Македоніі, сустрэча пройдзе 17 чэрвеня. Заключны матч групавога этапу адбудзецца 21 чэрвеня, абодва паядынкі пройдуць у Бухарэсце.
Галандцам трэба будзе гуляць супраць Аўстрыі 17 чэрвеня і супраць Паўночнай Македоніі 21 чэрвеня, абедзве сустрэчы пройдуць у Амстэрдаме.
