Яму было 65 гадоў. Гэтую інфармацыю «НН» пацвердзіў старшыня праўладнага Саюза пісьменнікаў Мікалай Чаргінец.
Фота «Звязда».
Антановіч памёр 15 лістапада ў Шчучынскім раёне, дзе праводзіў час у бацькоўскай хаце.
Славамір Антановіч будаваў сабе кар’еру па партыйнай і камсамольскай лініі. Быў галоўным энергетыкам Шчучынскага масласырзавода. Некаторы час быў дарадцам прэм’ер-міністра Генадзя Навіцкага.
Сярод ягоных літаратурных прац найбольш вядомая — гістарычны раман «Пятро Машэраў». Летась Антановіча выключылі з шэрагаў праўладнага Саюза пісьменнікаў, у яго быў даўні канфлікт з яго старшынёй Мікалаем Чаргінцом.
Глядзі таксама: Пісьменнік Славамір Антановіч судзіўся з Чаргінцом і «Нашай Нівай»
0
0
0
0
0
0
