Прарэктарка Акадэміі мастацтваў прынцыпова адмовілася падпісваць загад аб адлічэнні студэнтаў
27 кастрычніка з Акадэміі мастацтваў адлічылі трох студэнтаў мастацкага факультэта, яшчэ дваім вынеслі вымову.
БДАМ стала першай ВНУ, дзе пачалі адлічваць бастуючых студэнтаў пасля загаду Аляксандра Лукашэнкі.
Паводле інфармацыі «Нашай Нівы», найбліжэйшым часам з Акадэміі будуць адлічаныя і студэнты іншых факультэтаў.
Прынцыповую пазіцыю заняў факультэт дызайну, кіраўніцтва якога адмовілася адлічваць сваіх студэнтаў, але знайшліся людзі, што афармляюць загады ў абыход дэканата.
Многія звярнулі ўвагі, што ў загадзе аб адлічэнні студэнтаў Акадэміі мастацтваў адсутнічае подпіс прарэктаркі па вучэбнай працы Алены Бохан. «Нашай Ніве» стала вядома з некалькіх крыніц, што яна прынцыпова адмовілася падпісвацца пад дакументам.
Што тычыцца адсутнасці подпісаў начальніка Вучэбна-метадычнага аб’яднання Ірыны Савасцінкевіч і дэкана мастацкага факультэта Ганны Конанавай, то яны хварэюць.
Рэктар Акадэміі мастацтваў — мастацтвазнаўца Міхал Баразна.
Алена Бохан — кандыдат мастацтвазнаўства, дацэнт. У БДАМ працуе ад 2000 года, а з 2013 — прарэктарка па вучэбнай працы. Навуковыя інтарэсы — беларускае прафесійнае і народнае мастацтвы.
Спадарыня Бохан — дачка паэта Сяргея Законнікава, а таксама ўдава гісторыка Юрася Бохана, які памёр у 2017 годзе ва ўзросце 51 год.
-
Што за Італа-албанская каталіцкая царква, да якой належыць новы нунцый? І як гэта можа паспрыяць аднаўленню ўніяцтва ў Беларусі
-
«Нечым трэба заўсёды ахвяраваць. Мне прыйшлося ахвяраваць сям'ёй»: сын Іны Афанасьевай пра павароты лёсу
-
«Людзі глядзелі на мяне з нямым жахам». Беларускі айцішнік лячыўся ў Польшчы п'яўкамі, а потым у яго пачаўся крывацёк
Цяпер чытаюць
«Нечым трэба заўсёды ахвяраваць. Мне прыйшлося ахвяраваць сям'ёй»: сын Іны Афанасьевай пра павароты лёсу6
Каментары