Позна ўвечары 12 кастрычніка асобы ў балаклавах, трэніках, бронекамізэльках і шлемах з дубінкамі разбілі шкло ў адной з машын каля ўніверсама «Рыга» і выцягнулі кіроўцу. Яго затрымалі, а машына з ключом запальвання засталася стаяць на паркоўцы.

Як стала вядома «Нашай Ніве», затрыманы кіроўца — Вадзімір Заранкін, сын кіраўніка Віцебска Вадзіма Заранкіна.

Вадзімір Заранкін

Сітуацыя адметная тым, што іншы сын топ-чыноўніка, Філіп, толькі нядаўна выйшаў з ізалятара ў Жодзіне, адседзеўшы там 13 сутак. Яго затрымалі ў цэнтры Мінска ўвечары пасля інаўгурацыі Аляксандра Лукашэнкі.

Чытайце таксама: «Канваіры далі мянушку Мэр». Сын кіраўніка Віцебска расказаў пра 13 сутак арышту пасля інаўгурацыі Лукашэнкі

Што ж адбылося каля ўніверсама «Рыга»? Вадзімір Заранкін ехаў у краму, калі сілавікі пачалі зачыстку раёна. Найхутчэй, ён спалохаўся і паспрабаваў выехаць з небяспечнага месца, аднак падчас гэтага зачапіў іншую машыну. У выніку чалавек 15 дагналі аўтамабіль Вадзіміра, разбілі шкло і выцягнулі хлопца. Затрымалі і яго, і кіроўцу другой машыны. Яны абодва знаходзяцца ў Савецкім РАУСе.

Хочаш падзяліцца важнай інфармацыяй ананімна і канфідэнцыйна?

5
Дед Мороз / Адказаць
13.10.2020 / 03:12
Почему фашисты разбивают машины?

Ну не поддерживают граждане Беларуси бывшего президента Беларуси и самозванца Лукашенко. Точка!
2
Алесь Тыбульскi / Адказаць
13.10.2020 / 05:38
Ну, ўсё! Пасада хутка асвабадзіцца і таму Сташнеўскаму будзе месца для працы на павышэнні...
2
Палкоўнiк Зэман / Адказаць
13.10.2020 / 07:52
А татуся будзе i далей адказаць грамадзянам, што жывём у прававой дзяржаве???
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру