Святлана Ціханоўская завяршыла сустрэчу з Ангелай Меркель.
Сустрэча доўжылася 45 хвілін. Святлана Ціханоўская распавяла, што мірныя мітынгі ў Беларусі працягваюцца, і таму рэжым працягвае павялічваць колькасць палітвязняў. Многія народныя лідары, як Сяргей Ціханоўскі і Марыя Калеснікава, працягваюць знаходзіцца ў турме. Таму цяпер вельмі важна спыніць гвалт і вызваліць палітычных вязняў.
Святлана падкрэсліла, што пратэсты ў Беларусі — гэта не барацьба супраць Расіі або на карысць Еўропы: гэта следства ўнутрыбеларускага крызісу. І галоўная мэта народа цяпер — новыя выбары. Важна правесці іх найбліжэйшы час, паколькі 26 гадоў народ жыў пад ціскам — і трываць яго больш не мае намеру.
Святлана дадала, што беларускі народ таксама чакае інвестыцыйную падтрымку, дапамогу незалежным медыя і грамадзянскім арганізацыям — для пераадолення наступстваў крызісу.
Святлана таксама падарыла Ангеле бел-чырвона-белы парасон і кнігу «Краіна Беларусь» у нямецкім перакладзе.
