У мінулую сераду юнацкая зборная краіны па хакеі пазбавілася галоўнага трэнера: Аляксандр Румо сышоў са сваёй пасады. Спецыяліст стаў адным з нямногіх людзей у свеце хакея, хто адкрыта выказваў сваю пазіцыю з нагоды таго, што адбываецца ў краіне, піша TUT.by.
Румо каментаваў жорсткія сілавыя разгоны пратэстаў, казаў пра ўдзел тады яшчэ гендырэктара «Дынама» Дзмітрыя Баскава ў праўладных акцыях і падпісваў петыцыю за сумленныя выбары.
Яго суседзі не засталіся ўбаку і аддзячылі былому трэнеру, павесіўшы таблічку са словамі: «Аляксандр, мы вамі ганарымся. Грамадзянская пазіцыя і салідарнасць — гэта самае важнае, што ў нас сёння ёсць. Дзякуй».
0
0
0
0
0
0
