Сёння на Смаргоўскім тракце, 1 [адзін з дамоў у «Двары перамен»], выратавалі дзяўчыну, якая стаяла за агароджай балкона на 20-м паверсе і крычала, што саскочыць, піша TUT.by.
Відавочца Вадзім жыве насупраць, ён распавёў, што ў 9:09 патэлефанаваў у 102, пачаў апісваць тое, што адбываецца, і заўважыў, што па верхніх паверхах ўжо падымаюцца двое сілавікоў у касках і поўным абмундзіраванні.
Фота Вадзіма
Вадзім расказвае, каля 9:20 прыехалі супрацоўнікі МНС.
— Калі пачалі надзімаць падушку («куб жыцця»), дзяўчына адцягнула ўвагу, і яе змаглі зацягнуць на балкон. Гэта было прыкладна ў 9:21. Супрацоўнікі з ёй да гэтага размаўлялі, мне падалося, што яна плакала.
У МНС пацвердзілі, што ратавальнікі выязджалі па выкліку на Смаргоўскі тракт, 1.
— Выязджалі, але наша дапамога не спатрэбілася, супрацоўнікі міліцыі зацягнулі яе ўнутр, — паведаміла афіцыйны прадстаўнік МНС па Мінску Вольга Мельчанка.
