У Беларусі працуюць 32 супрацоўнікі расійскага тэлеканала RT і адной з яго структурных адзінак — агенцтва відэанавінаў Ruptly. Яны жывуць у чатырох розных мінскіх гатэлях, піша Еўрарадыё ў тэлеграм-канале.
Ніхто з супрацоўнікаў RT афіцыйна не працуе на беларускім тэлебачанні, але відавочна ўплывае на кантэнт дзяржаўных беларускіх тэлеканалаў. Супрацоўнікі RT і Ruptly кансультуюць «беларускіх калег» па мноству пытанняў — «так сама, як рабілі гэта ў Тунісе, Венесуэле, на Кубе, а Сіманьян [кіраўніца RT] нават асабіста кансультавала кітайцаў».
RT «займаецца ў Беларусі сваёй непасрэднай статутнай дзейнасцю, фінансаванне якой штогод публікуецца ў законе аб федэральным бюджэце».
Усе гэтуы звесткі «Еўрарадыё» знайшло ў афіцыйным тг-канале «RT на русском».