Фота СК
Сталі вядомыя падрабязнасці двайнога забойства ў Гомелі, паведамляе СК.
У аўторак ноччу ў Гомелі таксіст, які праязджаў па вуліцы Дворнікава, знайшоў каля праезнай часткі мужчыну з раненнямі. Была выкліканая хуткая дапамога і міліцыя. Медыкі канстатавалі смерць мужчыны. Пры аглядзе месца здарэння следчыя знайшлі ў альтанцы, недалёка ад праезнай часткі, другога мужчыну без прыкмет жыцця.
Вядома, што гэтыя мужчыны — 38 і 32 гадоў — уначы знаходзіліся ў гэтай альтанцы і гучна слухалі музыку. Ім былі прычыненыя цялесныя пашкоджанні, ад якіх яны памерлі.
Распачата крымінальная справа па п. 1 ч. 2 арт. 139 (забойства дзвюх асоб) Крымінальнага кодэкса.
Праводзіцца комплекс следчых дзеянняў.
Грамадзян, якім што-небудзь вядома пра дадзенае злачынства, просяць патэлефанаваць па тэлефоне 8029-743-75-45 або 102.