Скрыншот відэа Пул №3
Прэзідэнт Расіі Уладзімір Пуцін, што прыляцеў учора ўвечары ў Пекін, прыбыў да Дома народных сходаў. Сі Цзіньпін чакаў расійскага прэзідэнта на плошчы, дзе стаяла ганаровая варта, піша РБК.
Пуцін прыехаў да месца правядзення сустрэчы на аўтамабілі Taurus. Ён і Сі Цзіньпін паціснулі адзін аднаму рукі, а затым павіталі дэлегацыі дзвюх краін.
Пасля гэтага Пуцін і старшыня Кітая падняліся на спецыяльны памост з тэнтам, адкуль сталі назіраць за выступам вайсковага аркестра Народна-вызваленчай арміі Кітая. На цырымоніі выканалі гімны Расіі і Кітая ў адпаведнасці з пратаколам.
Цырымонія доўжылася каля 15 хвілін. Пасля яе завяршэння Пуцін і Сі Цзіньпін прайшлі ў Дом народных сходаў па чырвонай дывановай дарожцы, рассцеленай па плошчы. Там яны зрабілі сумеснае афіцыйнае фота.
Падчас візіту ў Пуціна запланаваныя перамовы з Сі Цзіньпінам як у вузкім, так і ў пашыраным складзе.
Чытайце таксама:
Чаму Сі Цзіньпін пачаў свой візіт у Еўропу з Францыі і як яго сустрэў Макрон
Сі: КНР мае намер працаваць з Францыяй для «вырашэння ўкраінскага крызісу»
