Скрыншот відэа: сацсеткі
Расійскі спявак Філіп Кіркораў падаў на Літву ў Еўрапейскі суд правоў чалавека.
Выканаўца патрабаваў, каб літоўскія ўлады знялі забарону на ўезд у краіну. У 2021 годзе Літва прызнала Кіркорава пагрозай для нацбяспекі і забараніла яму ўезд на пяць гадоў, адзначае «Можем объяснить».
У Кіркорава ёсць грамадзянства Балгарыі, якая ўваходзіць у Еўразвяз, але нават з гэтым пашпартам ён не мог дамагчыся дазволу на ўезд у Літву.
У пазове ў ЕСПЧ спявак заявіў, што Літва парушыла яго права на свабоду выказвання меркаванняў. Акрамя таго, на думку Кіркорава, забарона на ўезд — гэта праява палітычнай цэнзуры.
Спявак патрабаваў таксама пакрыць сродкі, страчаныя праз скасаванне канцэртаў у Літве.
Суддзі ЕСПЧ прызналі скаргу непрымальнай. У рашэнні суда гаворыцца, што Кіркораў не вычарпаў усе сродкі прававой абароны ў Літве — ён не падаў скаргі ў мясцовыя суды. Акрамя таго, ЕСПЧ згадаў довады літоўскага боку аб тым, што Кіркораў з'яўляецца інструментам расійскай прапаганды.
У пастанове згадваецца, што спявак выступаў у акупаваным Крыме і падтрымлівае расійскую агрэсію супраць Украіны.
У рашэнні ЕСПЧ таксама адзначаецца, што Еўрапейская канвенцыя па правах чалавека не гарантуе права на ўезд і пражыванне ў канкрэтнай краіне. Нацыянальныя ўрады маюць права вызначаць пагрозы для ўласнай нацбяспекі.
Чытайце таксама:
Расійскія тэлеканалы ігнаруюць 75-годдзе Алы Пугачовай
Маю анкалогію справакаваў скандал з Паплаўскай — Ханок
«Без сопляў і слёз». Валерый Лявонцьеў абвясціў пра завяршэнне кар'еры
