Не ўсе ведаюць, што цукар, акрамя салодкага смаку і высокай каларыйнасці, мае яшчэ шэраг адметнасцей. Адна з іх — здольнасць асвяжыць колер тканін.
Для гэтага дастаткова замачыць адзенне ці бялізну ў растворы цукровай вады (адна-дзве сталовыя лыжкі на пяць літраў вады) і пакінуць на некалькі гадзін. Затым памыць як звычайна.
Такое замочванне перадухіліць лінянне тканін і ўзмоцніць іх натуральны колер. Прычым эфект будзе заўважны як на белым, так і на цёмным адзенні.
Калі ў вас няма часу ці ахвоты замочваць бялізну, то можна проста дадаць адну-дзве сталовыя лыжкі цукру ў аддзел для парашку ці проста ў барабан пральнай машыны. Эфект будзе той жа. Акрамя гэтага, цукар абароніць тканіны ад дэфармацыі пры мыцці. Асабліва калі яны з натуральнага шоўку, воўны ці кашэміру.
Цукар таксама можна выкарыстаць на этапе паласкання. Але для адзення ён не пасуе. Затое вельмі эфектыўны для штораў. Для гэтага ў аддзел для кандыцыянеру трэба засыпаць 2—3 сталовыя лыжкі цукру.
Паласканне з дадаткам цукру дадаць шторам прыгажосці і пазбавіць складак. Для лепшага эфекту шторы рэкамендуецца адразу пасля мыцця павесіць. Яны выцягнуцца пад уласнай вагою.
Цукар — не адзіны традыцыйны, бабулін сродак для мыцця. Мы пісалі раней пра эфект, які аказвае дабаўленне ў пральную машыну лаўровага ліста.
Чытайце яшчэ:
Аказваецца, мы ўсё жыццё няправільна мылі бялізну. Вось, як гэта рабіць найбольш эфектыўна
Гэты метад дапаможа вам зэканоміць на мыцці адзення. Ён вельмі просты
