Ігар Сергеенка. Фота: БелТА
Кандыдаты ў дэпутаты даюць справаздачу за даходы 2022 года (падатковыя дэкларацыі за мінулы год будуць падавацца ў сакавіку).
У дэкларацыі аб даходах і маёмасці Ігара Сергеенкі за 2022 год значыцца кватэра ў Мінску плошчай 101,6 кв.м, а таксама даход у памеры 172 503 рублёў. З іх 44 553 рублі — ад продажу зямельнага ўчастка.
Згодна з артыкулам 17 закона «Аб барацьбе з карупцыяй», дзяржслужачыя не маюць права працаваць на іншых аплатных пасадах (выключэнне — навуковая, педагагічная, культурная, творчая і медыцынская дзейнасць). А значыць, калі з названай сумы адняць даход ад продажу ўчастка, то рэшта і ёсць гадавы заробак чыноўніка.
У 2022 годзе ён быў роўны 127 950 рублям (паводле тагачаснага курсу каля 48 835 даляраў), ці 10 663 рублям (каля 4070 даляраў) у месяц. Для параўнання, сярэдні налічаны заробак у Беларусі за 2022 год склаў 1631 рубель (каля 622 даляраў), а пасля вылічэння падаткаў на рукі атрымлівалася каля 1403 рублёў (каля 535 даляраў).
Выходзіць, што ў 2022 годзе топавы чыноўнік зарабляў у 7,6 разу больш, чым сярэдні беларус.
Сергеенка займае пасаду кіраўніка адміністрацыі Лукашэнкі з 2019 года. Да гэтага ён працаваў першым намеснікам старшыні КДБ. У выпадку абрання дэпутатам Сергеенка павінен будзе пакінуць адміністрацыю.
Чытайце таксама:
Сергеенка: Кадравага голаду няма, але бывае праблема, каго прызначаць
Як складаліся лёсы былых кіраўнікоў Адміністрацыі Лукашэнкі
Топ-4 кандыдаты ў новыя кіраўнікі Адміністрацыі Лукашэнкі пасля сыходу Сергеенкі
