Фота: infograd.by
Пачынаючы з 21 па 30 лістапада ў Беларусі зарэгістраваныя 1 773 пацярпелых ад галалёдных і халадовых траўмаў. З ліку ўсіх пацярпелых 381 — дзеці, паведамляе Мінздароўя.
У Брэсцкай вобласці зарэгістраваныя 319 пацярпелых. 31 пацыент шпіталізаваны (за мінулыя суткі 5), астатнія атрымалі амбулаторную дапамогу. Галалёдную траўму атрымалі 312 пацыентаў, 7 — халадовую.
У Віцебскай вобласці зарэгістраваныя 288 пацыентаў. Шпіталізаваныя 27 (за мінулыя суткі шпіталізаваных няма), астатнія атрымалі амбулаторную дапамогу. Галалёдная траўма дыягнаставана — 284 пацыенты, халадовая — 4.
У Гомельскай вобласці зарэгістраваныя 221 пацыент. З іх 23 — шпіталізаваныя (за мінулыя суткі 4 пацярпелых), астатнія атрымалі амбулаторную дапамогу. Галалёдная траўма ў 220 пацыентаў, у 1 — халадовая.
У Гродзенскай вобласці зарэгістраваныя 108 пацыентаў, з іх 19 — шпіталізаваныя (за мінулыя суткі 5). Галалёдная траўма ў 104 пацыентаў, у 4 — халадовая.
У Мінскай вобласці зарэгістраваныя 358 пацярпелых. З іх 49 пацыентаў шпіталізаваныя (за мінулыя суткі 2), астатнія атрымалі амбулаторную дапамогу. Галалёдную траўму атрымалі 349 пацыентаў, 9-халадовую.
У Магілёўскай вобласці зарэгістраваныя 329 пацыентаў. Шпіталізаваныя — 40 чалавек (за мінулыя суткі 7). У 323 галалёдная траўма, у 6 — халадовая.
У Мінску зарэгістраваныя 150 пацярпелых, з іх 22 шпіталізаваныя (за мінулыя суткі 3). У 149 пацярпелых галалёдная траўма, у 1-халадовая.
У зімовы перыяд колькасць зваротаў да медыкаў з-за траўмаў павялічваецца ў 2-3 разы. У сувязі са змяненнем умоў надвор'я нагадваем — будзьце асцярожныя!
Патэнцыйна траўманебяспечныя месцы ў перыяд галалёду:
- прыступкі пад'ездаў;
- прыступкі падземных пераходаў, уключаючы метрапалітэн;
- прыпынкі грамадскага транспарту;
- горкі, уключаючы дзіцячыя.
Міністэрства аховы здароўя просіць усіх грамадзян: калі траўмы пазбегнуць не ўдалося — звярніцеся ў найбліжэйшы траўмапункт.
