У Шчучыне памёр начальнік міліцыі грамадскай бяспекі, сваяк міністра Маркевіча 6

Сяргей Асавік (злева). Фота: dzyannica.by

Па інфармацыі «Еўрарадыё», міліцыянту стала кепска на працоўным месцы. Дактары «хуткай» яго не адкачалі.

Смерць міліцыянта чытачу «Нашай Нівы» пацвердзілі ў Шчучынскім РАУСе. На сёння, 29 лістапада, у Асавіка быў запланаваны асабісты прыём грамадзян.

Сяргей Асавік, намеснік начальніка Шчучынскага РАУС, сваяк міністра культуры Анатоля Маркевіча. 

У 2015 годзе ён яшчэ быў участковым інспектарам у чыне маёра. У 2020-м быў падпалкоўнікам на пасадзе начальніка аддзела аховы правапарадку і прафілактыкі. А на пачатку 2023-га стаў начальнікам міліцыі грамадскай бяспекі.

Сяргей Асавік у 2020 годзе асабіста здымаў на відэа мясцовыя пратэсты. Удзельнічаў у пераследзе землякоў за іншадумства. Указам Лукашэнкі пасля рэферэндуму 2022 года Асавік быў узнагароджаны медалём «За адзнаку ў ахове грамадскага парадку».

Глядзіце таксама:

Хто з высокіх чыноўнікаў і мультымільянераў прыйшоў на развітанне з Макеем ФОТЫ

Міністр культуры прызнаў дэфіцыт кадраў у беларускай культуры. З гэтай нагоды сабралі цэлую нараду

«Будзем глядзець, ці прымальная творчасць». Міністр культуры патлумачыў, як будуць выдаваць гастрольныя пасведчанні

Васіль Вашчыла

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ