Сандра Таналі. Фота: яго інстаграм
Італьянская федэрацыя футбола дыскваліфікавала паўабаронцу «Ньюкасла» і зборнай Італіі Сандра Таналі за стаўкі на 10 месяцаў. Пра гэта паведамляе сайт сhampionat.com са спасылкай на Football Italia.
Паводле інфармацыі крыніцы, італьянскі хаўбек ставіў на матчы «Мілана», калі выступаў за гэты клуб. Ён прызнаўся, што цяпер у яго даўгі на €3 млн.
Крэдыторы неяк пагражалі футбалісту, абяцаючы зламаць яму ногі.
Праз дыскваліфікацыю італьянец прапусціць астатнюю частку сезона англійскай прэм'ер-лігі, а таксама чэмпіянат Еўропы — 2024, калі зборная Італіі зможа прайсці кваліфікацыю на гэты турнір.
Таналі перайшоў у «Ньюкасл» з «Мілана» ў мінулае трансфернае акно за €64 млн. У гэтым сезоне ён правёў за брытанскі клуб, які выступае таксама ў Лізе чэмпіёнаў, 12 матчаў ва ўсіх турнірах, у якіх адзначыўся адным голам. Кантракт гульца з цяперашнім клубам дзейнічае да канца чэрвеня 2028 года. Арыенціровачны кошт футбаліста, па даных інтэрнэт-партала Transfermarkt, — €60 млн.
Раней гулец «Ювентуса» Нікола Фаджолі стаў першым футбалістам, імя якога прагучала падчас расследавання аб стаўках. Ён ужо атрымаў сямімесячную дыскваліфікацыю.
Чытайце таксама:
Жэрар Піке грымнуўся ў двухметровую яму, размаўляючы па смартфоне
Беларусь узнялася ў рэйтынгу ФІФА. Цяпер у зборнай 100-е месца
Беларускім суддзям дазволілі працаваць у расійскай прэм'ер-лізе
