Фота з сайта: football.by
Зборная Беларусі згуляла ўнічыю з камандай Румыніі ў матчы адбору да чэмпіянату Еўропы па футболе. Гульня завяршылася нулявой нічыёй.
Матч прайшоў у Будапешце пры пустых трыбунах стадыёна, які лічыцца для Беларусі хатнім.
У канцы матча беларусы не толькі выстаялі, але і мелі некалькі неблагіх момантаў.
Косава сёння ў гасцях разграміла Андору — 3:0.
Матч Ізраіль — Швейцарыя перанесены на лістапад з-за складанай палітычнай сітуацыі. Як і перанесены матч Косава — Ізраіль, які меўся прайсці 15 кастрычніка ў Прышціне. Зборнай Ізраіля забаронена пакідаць краіну.
Пасля 7 тураў: Швейцарыя — 14 (6 матчаў), Румынія — 13, Ізраіль — 11 (6 гульняў), Косава — 7, Беларусь — 5, Андора — 2.
У нядзелю беларусы згуляюць у гасцях супраць Швейцарыі (19:00). У першым туры, на Дзень волі, беларусы ў Вайводзіне разгромна прайгралі 0:5.
У сярэдзіне лістапада ў беларусаў застануцца матчы супраць Андоры і Косава.
На Еўра-2024 выходзяць дзве найлепшыя каманды з групы.
Беларусы, як вядома, ніколі ў фінальных стадыях чэмпіянатаў свету ці Еўропы не ўдзельнічалі.
Чытайце таксама:
Чэмпіянат Еўропы па футболе — 2032 пройдзе ў Італіі і Турцыі
Эдэн Азар скончыў кар'еру ў 32 гады
Уэйн Руні ўзначаліў клуб, за які калісьці гуляў Аляксандр Глеб
