Арсеній Чыжык. Фота: spring96.org
Арсенія Чыжыка, сябра Маладога фронту, затрымалі 30 верасня 2021 года ў Гомелі за каментары ў інтэрнэце пасля гібелі ў мінскай кватэры супрацоўніка КДБ Дзмітрыя Федасюка і IT-спецыяліста Андрэя Зельцэра. На кватэры хлопца спачатку адбыўся ператрус, а потым яго адвезлі да суда ў следчы ізалятар.
Следчыя спачатку абвінавачвалі яго паводле двух крымінальных артыкулаў — 369 («абраза прадстаўніка ўлады»), а таксама 130 («распальванне сацыяльнай варожасці»). Але потым пакінулі ў справе толькі артыкул 130 КК.
Суддзя Руслан Царук пакараў Чыжыка зняволеннем тэрмінам на два з паловай гады.
Цяпер Чыжык мусіць стаць на ўлік у Жыткавіцкім раённым аддзеле міліцыі, што на Гомельшчыне.
Чытайце таксама:
Сілавікі затрымалі работніка магілёўскага завода імя Кірава
За распаўсюд «экстрэмізму» ў Віцебску аштрафавалі грамадзянку Расіі
