Фота: Onliner.by
У Вільні эвакуявалі беларускую гімназію імя Францішка Скарыны. Як пазней стала вядома, гэта была трэніровачная трывога, піша Радыё Свабода.
«Дзяцей вывелі і распусцілі па дамах. Маё дзіця ўжо дома. Але ніякіх дэталяў не ведаюць. Адно, што нібыта настаўнікі сказалі нікому нічога не казаць», — расказвае адзін з бацькоў.
Спачатку меркавалася, што ў школу паступіла паведамленне аб замініраванні. Але выявілася, што гэта была трэніровачная трывога, але з умовай не казаць пра гэта дзецям, паколькі школа беларуская і рызыкі могуць быць рэальныя, таму такі высокі ўзровень.
Гімназія імя Францішка Скарыны ў Вільні — гэта адзіная беларускамоўная школа ў Літве. Пры гэтым бацькі беларускіх школьнікаў часта скардзяцца, што трапіць у яе цяпер праз перапоўненасць вельмі цяжка.
Чытайце таксама:
У суботу ў Вільні пройдзе IV фестываль беларускай песні «Старая Беларусь»
У Вільні адкрылася першая ў Еўропе крама, дзе можна бясплатна ўзяць прадукты
У дзіцячых садах Вільні адмаўляюцца ад абавязковай ціхай гадзіны для ўсіх дзяцей. Чым гэта тлумачаць
