Украінскі дрон-камікадзэ «Гром». Фота: АрміяІнфарм
Міністэрства абароны Расіі заявіла, што ўначы 25 жніўня 42 беспілотнікі спрабавалі атакаваць анексаваны Крым.
Паведамляецца, што над тэрыторыяй Крыма нібыта знішчылі 9 БПЛА, а яшчэ 33 — нібыта падаўлена сродкамі РЭБ, пасля чаго яны пацярпелі крушэнне, не дасягнуўшы мэты.
Расійскі тэлеграм-канал «Shot» апублікаваў відэа пралёта аднаго з дронаў над Сімферопалем.
Губернатар акупаванага Севастопаля Міхаіл Разважаеў заявіў, што ўначы 25 жніўня некалькі ўкраінскіх беспілотнікаў паспрабавалі атакаваць горад, аднак нібыта былі збітыя над Чорным морам.
Чытайце таксама:
Над Калужскай і Бранскай абласцямі збілі тры беспілотнікі
У падмаскоўных Хімках абломкі беспілотніка пашкодзілі жылы дом
Украінскім дронам пашкоджаны расійскі самалёт на аэрадроме ў Калужскай вобласці — ГУР
