Цалкам адбыўшы прысуджаныя яму 2 з паловай гады зняволення, з магілёўскай калоніі сёння, 18 жніўня, вызваліўся колішні супрацоўнік «Нашай Нівы» Андрэй Скурко. Пра гэта ў сацыяльных сетках паведаміла ягоная жонка Паўліна.
Андрэя Скурко затрымалі 8 ліпеня 2021 года. У сакавіку 2022-га яго прызналі вінаватым паводле ч. 2 арт. 216 Крымінальнага кодэкса і прысудзілі да 2,5 гадоў пазбаўлення волі ў калоніі агульнага рэжыму.
На волі Андрэя чакалі жонка Паўліна і маленькі сынок Тамашык. Для сына Скурко ўвесь час зняволення пісаў дзіцячыя вершы, якія склалі аснову зборніка «Пра сланоў і барсучкоў», выдадзенага летась.
Таксама за кратамі Андрэй Скурко пераклаў «Доктара Айбаліта» Карнея Чукоўскага, які стаў беларускім «Доктарам Будзь-Здароў». Гэты пераклад таксама нядаўна выйшаў друкам.
Андрэй, Паліна, Тамашык, нарэшце! Ганаруся, паважаю і люблю вас. І зайздрошчу (цяпер ужо можна). І радуюся, прачытаўшы тут і пра вас. І сумую трохі, што даводзіцца пра вас тут гэта чытаць. Але, можа, калі ўбачымся выпадкова на вуліцы? У Менску (так, Менску) ці ў якім мястэчку падчас вандроўкі. Гэта маё жаданне)
але, чаму колішні ?