«Здымаем усе абмежаванні, звязаныя з увядзеннем рэжыму контртэрарыстычнай аперацыі», — напісаў Сабянін у сваім Telegram-канале. Ён удакладніў таксама, што выпускныя для школьнікаў, якія павінны былі прайсці ў гэтыя выхадныя, пройдуць 1 ліпеня.
У Нацыянальным антытэрарыстычным камітэце (НАК) паведамілі, што на тэрыторыі Маскоўскага рэгіёна абстаноўка стабільная, як піша «Спутнік».
Нагадаем, што ў сувязі са спробай мяцяжу ПВК «Вагнер» у Маскве ў суботу быў уведзены рэжым контртэрарыстычнай аперацыі, створаны аператыўны штаб, адмененыя раней абвешчаныя масавыя мерапрыемствы. Для мінімізацыі рызыкі ў Маскве таксама вырашылі абвясціць панядзелак непрацоўным днём.
У Расіі распачалі супраць Прыгожына крымінальную справу, Пуцін назваў гэта здрадай, а ў Маскве і вобласці ўвялі рэжым контртэрарыстычнай аперацыі.
Аднак ужо ўвечары Прыгожын абвясціў, што разварочвае калоны і ідзе назад. У Крамлі заявілі, што справу супраць яго закрыюць, сам верхавод ПВК «пойдзе ў Беларусь». Таксама яны паабяцалі не пераследаваць яго наймітаў. Гэта стала нібыта следствам перамоваў Прыгожына з Аляксандрам Лукашэнкам. Таксама стала вядома, што калоны ПВК «Вагнер» могуць пайсці ў Беларусь.
Чытайце таксама:
Экс-кіраўнік ЦРУ параіў Прыгожыну не падыходзіць да незавешаных вокнаў у Беларусі
«Фенаменальны выбар Прыгожына…» Падаляк — пра мяцеж кіраўніка ПВК «Вагнер» і карысць ад яго
