«Наступ з Беларусі фактычна ідзе. Больш за тое, расіяне пачалі выкарыстоўваць Брэсцкі аэрапорт, з якога пачынаюцца абстрэлы нашых тэрыторый», — сказаў ён.
Дзенісенка разам з тым адзначыў, што сітуацыя выглядае так, што Лукашэнка не гатовы заводзіць свае сухапутныя войскі на тэрыторыю Украіны. Але ціск на яго з боку Расіі аказваецца вельмі сур'ёзны, таму адкідваць такую верагоднасць пакуль нельга.
Іншых пацверджанняў інфармацыі пра абстрэл Украіны з Брэсцкага аэрапорта пакуль няма. МУС не можа лічыцца кампетэнтнай крыніцай у такім пытанні. Каментароў ад Міністэрства абароны Украіны, беларускага ці расійскага бакоў не было.