Кадафі ў Мінску ў лістападзе 2008 года. Фота Юліі Дарашкевіч
Закранаючы сусветныя падзеі, Лукашэнка эмацыйна згадаў зрынутага кіраўніка Лівіі Муамара Кадафі, які, на яго думку, хацеў ашчаслівіць Лівію і і іншыя краіны, а яго «распялі і пасадзілі на кол».
Згадаў ён і кіраўніка Ірака Садама Хусэйна: «А вы не памятаеце, як яго павесілі?»
Лукашэнка дадаў, што беларусаў «дваццаць стагоддзяў ставілі на калені, хопіць!»
Таксама ён пакрытыкаваў падзеі ў суседніх краінах: зніжэнне колькасці насельніцтва ў Літве і акцыі пратэсту ў Польшчы.
«Не праблема ў Польшчы ў абортах, гэта спускавы кручок! Польскі народ выступіў супраць той палітыкі, якая праводзіцца ўладамі краіны», — дадаў ён.
Разам з тым Лукашэнка сказаў, што Беларусі важныя адносіны з Еўрасаюзам, але Расія застаецца асноўным стратэгічным саюзнікам, а таксама важны стратэгічны партнёр — Кітай.
