Фота з сацыяльных сетак
Дэлегаты ад Піншчыны адправіліся ўчора ў Мінск на «Усенародны беларускі сход». Сярод пасажыраў не аказалася Мікалая Целяціцкага. Месяц таму ў фэйсбуку доктар Пінскай дзіцячай бальніцы пракаментаваў публікацыю, што ў СМІ адсутнічалі спісы дэлегатаў на УНС ад горада, хоць іх выбралі яшчэ да Новага года. Карэспандэнты даведваліся прозвішчы праз свае крыніцы.
— Адно скажу, што для ўдзелу асабіста мяне абраў Савет дэпутатаў, майго меркавання ніхто не пытаўся. У цяперашні час я звычайны доктар — дзіцячы хірург, якім з'яўляюся больш за 20 гадоў, тысячы аперацый, — пісаў Мікалай Целяціцкі ў сацыяльных сетках.
У размове з карэспандэнтам доктар адзначыў, што адмовіцца ад удзелу ва УНС было яго асабістым рашэннем з-за сямейных абставінаў.
