Адна з самых вядомых горных гарыл Уганды, па мянушцы Рафікі, была забітая. Чатырох чалавек арыштавалі, і ім пагражае пажыццёвае зняволенне або штраф у памеры $5,4 млн, калі яны будуць прызнаныя вінаватымі ў забойстве знікаючага віду, перадае Бі-бі-сі.
Жывёла, якой, як мяркуюць, было каля 25 гадоў, была лідарам групы з 17 горных гарыл. Смерць Рафікі робіць групу нестабільнай, і ёсць верагоднасць, што яна можа распасціся, непакояцца ў парку. Да таго ж Нацыянальны парк Бвіндзі вельмі папулярны сярод турыстаў манавіта праз тое, што тут жывуць гэтыя рэдкія жывёлы.
Арыштаваныя мясцовыя жыхары даказваюць, што гэта была самаабарона.
Горныя гарылы знаходзяцца на мяжы знікнення: у свеце засталося ўсяго каля тысячы асобін. Яны таксама занесены ў Чырвоную кнігу. Рэдкія жывёлы жывуць толькі ў Дэмакратычнай Рэспубліцы Конга, Руандзе і Угандзе.
