Старт 30-га чэмпіянату Беларусі па футболе не будзе адкладзены з-за распаўсюджвання каранавіруса. Пра гэта карэспандэнту БелТА паведамілі ў асацыяцыі «Беларуская федэрацыя футбола».
Фота Надзеі Бужан.
Матчы першага тура юбілейнага нацыянальнага першынства адбудуцца 19-22 сакавіка і пройдуць у стандартным рэжыме. Такое рашэнне прыняла сёння кіраўніцтва АБФФ па выніках відэаканферэнцыі і кансультацый з удзелам УЕФА, прысвечаных праблеме распаўсюджвання COVID-19. Асацыяцыя адсочвае эпідэміялагічную сітуацыю і пры неабходнасці прыме неабходныя меры засцярогі.
У вышэйшай лізе чэмпіянату Беларусі выступяць 16 каманд, якія правядуць двухколавы турнір з матчамі дома і ў гасцях.
0
0
0
0
0
0
