Фота Сяргея Гудзіліна
Урачыстыя мерапрыемствы «Апошні званок» пройдуць у школах Беларусі 30 мая. Адпаведная інфармацыя размешчана на сайце Міністэрства адукацыі Беларусі. Навучальны год для школьнікаў завершыцца 31 мая.
Выпускныя экзамены па завяршэнні навучання і выхавання на II і III ступенях агульнай сярэдняй адукацыі пройдуць з 1 па 9 чэрвеня. Так, за курс базавай школы навучэнцы здадуць экзамены па наступным графіку:
— 2 чэрвеня — беларуская мова (дыктоўка);
— 5 чэрвеня — руская мова (дыктоўка);
— 7 чэрвеня — матэматыка (кантрольная работа).
Для навучэнцаў, якія скончылі 11 класаў, прадугледжаны наступныя даты выпрабаванняў:
— 1 чэрвеня — беларуская мова (пераказ);
— 4 чэрвеня — руская мова (пераказ);
— 6 чэрвеня — матэматыка (кантрольная работа).
Выпускны вечар для навучэнцаў 9-х і 11-х класаў рэкамендуецца правесці 9-10 чэрвеня.
