Едучы з Латвіі праз пункт пропуску «Бігосава-1», кіроўца грузавога аўтамабіля спрабаваў незаконна ўвезці на тэрыторыю Беларусі партыю парфумерыі, паведамляе ДМК Беларусі.
Грамадзянін Латвіі прадставіў дакументы на партыю парфумернай прадукцыі і флаконаў для касметычнай прадукцыі.
Пры пералічэнні флаконаў з парфумерыяй выяўлена, што ў грузавым адсеку знаходзіцца 47,5 тысячы флаконаў французскай туалетнай вады, якія не пазначаныя ў дакументах.
Кошт парфумерыі, якая незаконна перамяшчалася, склаў каля 730 тысяч беларускіх рублёў.
Па дадзеным факце Віцебскай мытняй пачаты адміністрацыйны працэс у адпаведнасці з ч. 1 арт. 14.5 КаАП Беларусі. Кіроўцу пагражае штраф у памеры ад 5 да 30 базавых велічынь.
0
0
0
0
0
0
