112.by
У Ваўкавыскім раёне на месцы выпальвання сухой травы знойдзены загінулы мужчына, паведамляе Гродзенскае ўпраўленне МНС.
Цела мужчыны 1939 года нараджэння на прысядзібным участку ў вёсцы Біскупцы выявіў 25 сакавіка яго сын. Як высветлілася, напярэдадні ён прыязджаў да бацькі, пакінуў прадукты. Пенсіянер гаспадарчымі справамі займацца не планаваў.
Сын забіў трывогу, калі бацька не адказаў на тэлефонны званок. Раніцай ён прыехаў у вёску, аднак дом быў зачынены. Унутры гаспадара не аказалася. Сусед падказаў, што ўвечары 24 сакавіка за хлевам гарэла трава. На зямлі каля плота сын і выявіў цела бацькі.
Падраздзялення МНС не прыцягваліся. Абставіны трагедыі і прычыну смерці пенсіянера высвятляюць спецыялісты Следчага камітэта.
0
0
0
0
0
0
