Дырэктар РНПЦ трансплантацыі органаў і тканак, член-карэспандэнт Акадэміі навук Алег Румо расказаў у інтэрв'ю карэспандэнту «Рэспублікі» пра пяць самых адметных аперацый па перасадцы печані.
Алег Румо. Фота Tut.by
* * *
Шаснаццацігадовага Жэню Смірнова прааперавалі ў 2009 годзе. Атруціўся бледнай паганкай. Прывезлі з Гомеля. Знаходзім печань памерлага пацыента з гепатытам С. Па ўсіх дакументах трансплантацыю рабіць нельга. Бацькі моляць: «перасаджвайце з якім заўгодна гепатытам, толькі ратуйце». Мы ў Міністэрства аховы здароўя. Там кажуць: калі гаворка пра выратаванне дзіцяці — працуйце! Пацыента выратавалі, вылечылі вірус. Сёння ён працуе трэнерам.
* * *
Ліяне Буйнавец ішоў другі гадок. Бабуля дала ёй лыжку грыбнага супу. У сям'і гора: памерла ад атручвання сама бабуля, памірае ўнучка. У дзяўчынкі востры некроз печані. А донара няма. І тут гіне васьмімесячнае дзіця. Бацькі даюць дазвол на забор органаў. Усё гэта адбываецца на працягу сутак. Сёння дзяўчынка ўжо школьніца.
* * *
У 2012 годзе па просьбе ўрада Ізраіля рабілі перасадку былому дырэктару Масада. Шум стаяў на ўсю краіну. Апынуліся тады пад прыцэлам СМІ ўсяго свету. Адказнасць каласальная. Пацыенту адмовілі ў вядучых цэнтрах многіх краін. Ён на грані. Пасля папярэдняй кансультацыі са мной сказаў, што будзе аперыравацца толькі тут. Паверыў у нас. Выконваем яму аперацыю, а потым ледзь не молімся, каб паправіўся. Дзіўна, але пацыент забараняў ўводзіць яму якія-небудзь снатворныя пасля аперацыі, разумеючы, што валодае дзяржаўнымі сакрэтамі. Вельмі эмацыйная гісторыя. Такі досвед часам варты многіх гадоў працы.
* * *
Прыехаў пацыент з Японіі. Яму ўжо рабілі перасадку печані ў ЗША. Донарскі орган праслужыў сем гадоў. Потым выйшаў з ладу. Атрымалася, што мы ў японца выдалілі амерыканскую печань і прышылі беларускую. Праз дзесяць дзён паправіўся і з'ехаў дадому. Займаецца дайвінгам. Лічыць сябе часткова беларусам.
* * *
Быў вельмі складаны выпадак, калі аперавалі зусім маладую жанчыну са спалучанай трансплантацыяй печані і ныркі ды яшчэ поўным трамбозам варотнай вены. Прарабілі складаную судзінкавую рэканструкцыю. Праз два гады яна нарадзіла здаровае дзіця.
