Дзяржаўны дэпартамент ЗША прапанаваў ухваліць продаж Румыніі супрацьпаветраных ракетных комплексаў «Пэтрыат».
Раней стала вядома, што 8 ракетных комплексаў «Пэтрыат» набывае Польшча. Варшава заплаціць за іх каля 7,8 млрд даляраў.
«Пэтрыаты» — эфектыўныя комплексы, не раз правераныя ў баявых умовах.
Як мяркуецца, набыццё супрацьпаветраных комплексаў умацуе абароназдольнасць ключавых саюзнікаў Амерыкі ў Цэнтральнай Еўропе.
39-мільённая Польшча і 20-мільённая Румынія — гэта найбольшыя краіны на ўсходняй мяжы Еўрасаюза і НАТА.
Гэта таксама дзве даволі самадастатковыя эканомікі: Польшча мае вялікія паклады вугалю, а Румынія — нафты й газу. Абедзве дзяржавы валодаюць развітай прамысловасцю, у тым ліку ўласным аўтамабілебудаваннем і вайскова-прамысловым комплексам. І абедзве дзяржавы маюць горкі гістарычны вопыт адносін з Расіяй.
