Фота Сяргея Гудзіліна
На гэтым тыдні будзе цёпла. Аднак без моцных дажджоў і навальніц не абыдзецца. Самай «мокрай», згодна з прагнозам, мае быць серада. Пра гэта TUT.BY паведаміў начальнік службы метэаралагічных прагнозаў Гідрамета Мінпрыроды Дзмітрый Рабаў.
У аўторак будзе пераважна без ападкаў. Ноччу і раніцай у асобных раёнах слабы туман. Тэмпература ноччу +7 + 13°С, днём +20 + 25°С, па поўдні краіны да + 27°С.
Серада абяцае стаць самым дажджлівым днём на гэтым тыдні. Ноччу па паўднёвым захадзе, днём на большай частцы рэспублікі пройдуць кароткачасовыя дажджы, раніцай і днём у Брэсцкай, Гродзенскай, Мінскай абласцях моцныя дажджы, навальніцы. Тэмпература ноччу ад + 8°С па паўночным усходзе да +17°С па паўднёвым захадзе краіны; днём +17 +24°С, па паўднёвым усходзе да + 29°С.
У чацвер, 8 чэрвеня, ноччу атмасферны фронт, яшчэ захавае свой уплыў пераважна па паўночным усходзе краіны, дзе і пройдуць дажджы,
месцамі моцныя дажджы, навальніцы.
Днём будзе паступаць няўстойлівая паветраная маса з Балтыйскага мора, у асобных раёнах пройдуць кароткачасовыя дажджы. Тэмпература ноччу +8 + 15°С, днём +17 + 24°С.
У пятніцу ноччу па поўначы, днём па паўночна-заходняй палове краіны кароткачасовыя дажджы, у асобных раёнах навальніцы. Тэмпература ноччу +8 + 15°С, днём +16 + 21°С, па паўднёвым захадзе да + 25°С.
Па прагнозах сіноптыкаў, у выходныя дні без парасонаў таксама не абысціся: на большай частцы краіны пройдуць кароткачасовыя, навальнічныя дажджы.
