Эмісійнае друкаванне грошай — не больш чым мінулы этап у гісторыі эканамічнага развіцця ў Беларусі. Аб гэтым па выніках нарады ў кіраўніка дзяржавы па актуальных пытаннях развіцця эканомікі заявіў журналістам прэм'ер-міністр Андрэй Кабякоў.
«Усе сыходзіліся ў тым, што ніякага друкавання эмісійных грошай ні ў якім разе быць не павінна. Гэта ўжо мінулы пэўны этап у гісторыі, не больш за тое. Усе развіццё павінна адбывацца на здаровай эканамічна выверанай аснове. Спрэчка была толькі ў тым, хутчэй або павольней ажыццяўляць тыя ці іншыя змены параметраў, якія характарызуюць грашова-крэдытную палітыку», — заявіў прэм'ер-міністр.
Паводле яго слоў, у дакладах ўрада, Нацбанка, экспертаў, якія прысутнічалі на нарадзе, адзначалася, што тэндэнцыя па замацаванні пазіцый, звязаных з макраэканамічнай стабілізацыяй, адчуваецца самым рэальным чынам.
Шэраг экспертаў выказвалі меркаванне пра тое, што трэба імкнуцца хутчэй наблізіць стаўкі па зноў выданых крэдытах для рэальнага сектара эканомікі да дасягнутых параметраў інфляцыі. «На гэты конт ёсць рацыя ў другой групы экспертаў, якія лічаць, што павінны сфармавацца не толькі перадумовы, звязаныя з інфляцыяй, а і па іншых параметрах, ад якіх залежаць працэнтныя стаўкі па крэдытах», — сказаў Андрэй Кабякоў.
«Таму была прынятая агульная пазіцыя, што па меры паспявання перадумоў, якія будуць дазваляць праводзіць адэкватнае зніжэнне, будзе праводзіцца адпаведная грашова-крэдытная палітыка», — заявіў прэм'ер-міністр.
* * *
Tut.by: Пракаповіч заклікаў Лукашэнку зноў уключыць станок
