У самалёта BAE Avro, які ў гэты панядзелак разбіўся ў Калумбіі, скончылася паліва. У СМІ патрапіў запіс перамоваў пілота самалёта і калумбійскага авіядыспетчара, паведамляе Бі-бі-сі.
На запісе пілот некалькі разоў просіць дазволу на пасадку з-за адмоваў электрапрыбораў і недахопу паліва.
Авіядыспетчар дае дазвол на пасадку. Перад сканчэннем запісу пілот паведамляе, што самалёт ляціць на вышыні 2,7 км. У панядзелак самалёт упаў у горнай мясцовасці недалёка ад горада Мэдэльін на поўначы Калумбіі.
У афіцыйным паведамленні аэрапорта гаварылася, што экіпаж паведамляў пра праблемы з рухавіком. Калумбійскія СМІ таксама паведамлялі пра нізкі ўзровень паліва.
Крыніца Франс прэс ва ўзброеных сілах Калумбіі заявіла, што на недахоп паліва паказвае і тое, што ў самалёце не адбыўся выбух. Аднак сама па сабе адсутнасць паліва выглядае падазрона.
Расследаванне можа заняць некалькі месяцаў.