Насельніцтва Беларусі за першыя тры месяцы 2016 года вырасла на 343 чалавекі. У выніку лічба дасягнула 9 498 700 чалавек. Гэта найбольшы паказчык з 2009 года.

Фота Сяргея Гудзіліна.

Фота Сяргея Гудзіліна.

Белстат цяпер публікуе дэмаграфічныя дадзеныя штоквартальна, а не штомесяц, як раней. Атрымліваецца, што ў сярэднім насельніцтва Беларусі павялічваецца на 114 чалавек штомесяц.

Як дасягаецца гэта лічба? Натуральныя страты (розніца паміж народжанымі і памерлымі) штомесяц складаюць 807 чалавек. Затое за гэты ж час у краіну прыязджае 921 мігрант.

* * *

Найхутчэй колькасць насельніцтва расце ў Мінску. За першы квартал лічба вырасла на 3372 чалавекі і дасягнула 1 963 200 чалавек.

У сталіцы «аб’ядноўваюцца» і натуральны прырост (у сярэднім +297 чалавек на месяц), і міграцыя (у сярэднім +827 чалавек на месяц).

Клас
0
Панылы сорам
0
Ха-ха
0
Ого
0
Сумна
0
Абуральна
0

Хочаш падзяліцца важнай інфармацыяй ананімна і канфідэнцыйна?