Першаму інтэрнэт-сайту, які быў запушчаны 20 снежня 1990 года, споўнілася 25 гадоў, перадае партал Engadget.
Так выглядаў першы сайт. Выява engadget.com
Рэсурс першапачаткова быў закрыты для шырокай публікі, і яго першымі наведвальнікамі сталі супрацоўнікі ЦЭРН. Сайт тлумачыў сутнасць распрацаванага навукоўцам Цімам Бернерсам-Лі гіпертэкставага праекта World Wide Web (WWW), які дазваляў абменьвацца інфармацыяй з калегамі, выкарыстоўваючы механізм гіперспасылак ў дакументах.
Бернерс-Лі прадставіў праект WWW на разгляд кіраўніцтва 12 лістапада 1990 года. Акрамя стварэння канцэпцыі WWW, навуковец прымаў удзел у вынаходстве ідэнтыфікатараў URL, пратаколу HTTP і мовы HTML, якія ляглі ў аснову сучаснай Сусветнай павуціны. Цяпер яго мэта — зрабіць інтэрнэт свабодным ад цэнзуры.
ЦЭРН (фр. Conseil Européen pour la Recherche Nucléaire — Еўрапейская рада па ядзерных даследаваннях) — найбуйнейшая ў свеце арганізацыя, якая займаецца даследаваннямі ў галіне фізікі элементарных часціц. Яна была заснаваная ў 1954 годзе 12 краінамі-ўдзельнікамі. У цяперашні час у ЦЭРН працуюць каля трох тысяч пастаянных супрацоўнікаў, уключаючы фізікаў з розных краін свету.