Прэзідэнт Украіны Пятро Парашэнка ў пачатку наступнага года наведае з візітам Турэцкую Рэспубліку. Аб гэтым ён паведаміў журналістам пасля перамоваў з Рэджэпам Таіпам Эрдаганам.
«Мы чакаем ад гэтага візіту прарыву. Будзе прадэманстравана шэраг напрацовак у пытаннях эканамічнага, палітычнага і бяспечнага супрацоўніцтва», — адзначыў ён.
Па словах Пятра Парашэнкі падчас сустрэчы, якая адбылася на палях Канферэнцыі па змяненні клімату ў Парыжы, Эрдаган паведаміў падрабязнасці парушэння паветранай прасторы Турцыі расійскім самалётам Су-24. Парашэнка праінфармаваў аб сітуацыі на Данбасе.
Паведамляецца, што прэзідэнты Украіны і Турцыі адзначылі, што ніколі не прызнаюць анексіі ўкраінскага Крыма з боку Расіі.
0
0
0
0
0
0
