Спікер палаты прадстаўнікоў кангрэса ЗША Пол Раян заявіў, што мае намер дамагацца замарозкі праграмы, якая прадугледжвае прыём 10 тысяч бежанцаў з Сірыі кожны год.
Як сказаў Пол Раян, адпаведны законапраект ён унясе ў палату ў чацвер.
«Гэта той момант, калі лепш засцерагчыся загадзя, чым шкадаваць потым», — сказаў спікер. На яго думку, радыкальныя ісламісты могуць скарыстацца праграмай па прыёме бежанцаў, каб патрапіць у краіну. Пры гэтым спікер падкрэсліў, што хоча толькі прыпынення праграмы, а не поўнай яе адмены.
Прэзідэнт ЗША Барак Абама, выступаючы на саміце АТЭС ў Маніле, пракаментаваў ініцыятыву рэспубліканцаў у негатыўным ключы.
«Аказваецца, яны спалохаліся, удоў і сірот, якія прыедуць у ЗША», - заявіў Абама. Прэзідэнт дадаў, што ўсе ўцекачы, якія ўязджаюць у краіну, праходзяць пільныя праверкі і ахарактарызаваў хвалю антымігранцкіх настрояў як «істэрыю».