Мікалай Улаховіч звярнуўся з першым радыёзваротам да выбаршчыкаў.
Выступ адзначыўся чарговымі зваротамі да «спадара Трусава». Гэта пастаянны ўяўны апанент атамана.
«Наша Ніва» прапануе вытрымку арыгінальных ідэй кандыдата Улаховіча.
- Я за тое, каб развівалася беларуская мова, але на аснове двухмоўя у нашай краіне. Чаму спадар Трусаў піша, што трэба вывучаць нашу з вамі - ці разумееце - фізіку на англійскай мове? А хто нам забараняе яе вывучаць на рускай?
- Я лічу, мы павінны быць неаддзельныя [ад Расіі - «НН»]. Беларуская культура павіннна быць як частка рускай культуры. Таму што аснова трох нацыянальнасцяў — беларусаў, украінцаў і рускіх - гэта русізм, «рус» — маларос, беларус, рускі. Асноўны корань — «рус».
- Мы правільна робім, што святкуем дзяржаўныя святы, і моладзь падцягваем пад святкаванне, і мерапрыемствы падстройваем пад дзяржаўныя святы.
- Мы ўрэшце рэшт не еўрапейскія дзяржавы, дзе бездухоўнасць узрастае з кожным днём.
- Вось тут я з кімсьці і згодны, і нязгодны.
- Як чалавек, вельмі шкадую, што не ўступаў ні ў якую палітычную барацьбу. Знаходзіўся ў стане вытворча-гаспадарчай дзейнасці, і не задумваўся, што трэба актыўна ўдзельнічаць у гэтай справе.
- Я сяджу, размаўляю з прадстаўнікамі ПАСЕ, і тут малады спадар Севярынец выскоквае і кажа: а вось, давайце, мы павінны пахаваць Чаркашына, ён ваяваў на баку АТА і іншае. І я сказаў Севярынцу: вы не афіцэр, вы не бачылі крыві і гразі.
- Ну чаму вы так сурова ставіцеся да казакоў? Тым невукам, якія дрэнна вучыліся: пачытайце гісторыю. Беларускія казакі служылі не толькі рускаму цару, але і польскаму «крулю», паважаныя мае апаненты. Я пра гэта ведаю лепш за вас.
- Паслядоўнасць я не выпрацоўваў, я пераскокваю з адной тэмы на іншую.
- Я ніколі не быў камунікабельным чалавекам. Я быў чалавекам з амбіцыямі. Гэта бачна, бо я пайшоў кандыдатам у прэзідэнты, так?
- Як можна мяне называць кішэнным палітыкам? Ды ніяк нельга.
- Я з усіх бакоў у шляхецтве.
0
0
0
0
0
0
