Фота Reuters
Узброеныя сілы самаабвешчанага ўрада Лівіі ў Трыпалі затрымалі расійскі танкер за спробу вывезці кантрабандай нафту з порта Завара, паведамляе Reuters.
Прадстаўнік уладаў Твафік Алскір паведаміў, што затрыманыя 11 расейцаў, якія былі членамі каманды. Па словах Алскіра, каманда і само судна дастаўленыя ў порт Трыпалі.
Фота twitter.com/agly1988
Іншыя падрабязнасці пакуль не вядомыя. Каментароў ад міжнародна прызнанага ўрада пакуль не было.
Лівія перажывае канфлікт паміж двума варагуючымі ўрадамі. Адзін з іх міжнародна прызнаны, а другі — самаабвешчаны пасля таго, як яго войскі занялі Трыпалі ў 2014 годзе.
Абодва ўрады абапіраюцца на тыя ці іншыя ўзброеныя групоўкі, якія ўдзельнічалі ў звяржэнні Муамара Кадафі чатыры гады таму назад.
0
0
0
0
0
0