Прэзідэнт Украіны Пятро Парашэнка заявіў, што ў рэзкім росце патоку бежанцаў з Блізкага Усходу ў Еўрасаюз вінаватая Расія.
Выступаючы ў эфіры тэлеканала «112 Украіна», Парашэнка звязаў міграцыйны крызіс у Еўропе з чуткамі аб высадцы расійскіх войскаў у Сірыі і іх прамым удзеле ў баях з мясцовымі паўстанцамі.
«Незаконная анексія Расіяй Крыма, якая не атрымала неадкладнага магутнага адказу міжнароднай супольнасці, падштурхнула Крэмль да наступнага кроку. Расійскія так званыя «зялёныя чалавечкі» высаджваюцца ў Сірыі», — сказаў украінскі прэзідэнт.
Пры гэтым расійскі бок адмаўляе прамы ўдзел у ваенных дзеяннях у Сірыі, хоць прызнае факт паставак зброі урадавым войскам і размяшчэнне ў краіне сваіх вайсковых спецыялістаў і інструктараў.
0
0
0
0
0
0